Fyrir hverja er Stjórnendanámið?

Stjórnendanámið er fyrir alla stjórnendur og millistjórnendur sem og starfsfólk sem hefur áhuga á að starfa sem stjórnandi/millistjórnandi í framtíðinni.

Hverjar eru forkröfurnar fyrir Stjórnendanámið?

Forkröfurnar fyrir Stjórnendanámið eru engar, aðrar en þær að hafa áhuga á að auka hæfileika þína sem stjórnandi/millistjórnandi.

Hvað stend ég uppi með eftir að hafa lokið Stjórnendanáminu?

• Diplóma skírteini frá Stjórnendanáminu, STF og SA.
• Tengslanet sem þú hefur myndað í náminu við aðra stjórnendur.
• Þekking og leikni sem þú hefur öðlast með náminu og stendur uppi sem betri stjórnandi.
• Námið er metið sem ígildi 30 ECTS eininga og gildir sem slíkt inn á Viðskiptafræðideild HA.
• Félagsmenn innan STF fá 2% hækkun persónuálags ef eru starfandi innan Sambands Íslenskra sveitafélaga.
• Aukið sjálfstraust sem stjórnandi og persóna.
• Aukin færni í samskiptum og verkefnastjórnun.
• Yfirgripsmikil þekking m.a. á stjórnunarháttum, rekstri og umhverfi fyrirtækja, lögum og reglum og mannauðsstjórnun.
• Haldbær verkfæri í hendurnar.

Hvernig er fyrirkomulagið á náminu? 

Hver lota er ákveðið margir áfangar og hver áfangi er almennt ein vika(undantekning á þessu er sjaldgæf). Lota 1 er til dæmis 12 áfangar, en lotan stendur yfir í 13 vikur.

Í hverjum áfanga er nýtt viðfangsefni tekið fyrir. Hver áfangi inniheldur fyrirlestra (aðgengilegir á netinu), umræður og nemendaverkefni. Nemendaverkefnin eru unnin út frá þínum vinnustað, þ.e. þú aðlagar alltaf þá þekkingu sem þú færð í hverri viku inn á þinn vinnustað í verkefnunum. Að auki er fjarfundur einu sinni í viku þar sem viðfangsefni vikunnar er tekið fyrir og nemendur og kennari ræða um efnið. Er það gert til þess að dýpka skilning nemenda á efninu.

Er námið á vegum Háskólans á Akureyri? 

Nei, Stjórnendafræðslan er samstarfsverkefni starfsmenntasjóðs Sambands stjórnendafélaga, Samtaka atvinnulífsins og Símenntunar Háskólans á Akureyri. Starfsmenntasjóðurinn hefur kostað námið frá upphafi og sér um allt inntak á náminu. Símenntun Háskólans á Akureyri sér um utanumhald þegar kemur að kennslu, skráningu og þjónustu við nemendur.

Hver er ágóði fyrirtækja af því að senda starfsmenn í Stjórnendanámið? 

• Enn betri starfsmann!
• Starfsmann sem hefur þekkingu á rekstrinum, markmiðum og stefnu fyrirtækisins/skipulagseiningarinnar.
• Starfsmann sem beitir sér til góðs innan fyrirtækisins.
• Starfsmann sem er betur í stakk búin til að takast á við krefjandi verkefni.
• Aukin hagræðing vegna færni sem skapast.

Nú er það svo að ég er á leið í frí á meðan lotan er í gangi, eða það er ljóst að það er mikið álag um tíma, hvernig virkar það?

Við komum alltaf til móts við þarfir ykkar. Ef þið látið okkur vita af álagspunktum eða ef þið eruð að fara í frí, þá finnum við út úr því. Opnum áfanga fyrr eða veitum frest á verkefnaskil ef þannig ber við.

Ég vil fá frekari fræðslu um námið, jafnvel inn á vinnustaðinn minn, er það hægt? 

Já að sjálfsögðu, við mætum á staðinn, gefum penna og súkkulaði og svörum öllum ykkar spurningum, sama hvar á landinu þið eruð.

Ég hef frekari spurningar, hvert leita ég?

Ef þú hefur frekari spurningar, ekki hika við að senda okkur tölvupóst á stjornendanam@unak.is